މަރުކަޒީ ބޭންކު، އެމްއެމްއޭގެ ގަވަރުނަރު އަލީ ހާޝިމް މަގާމުން ވަކިކުރުމަށް ރައީސް ޑރ. މުހައްމަދު މުއިއްޒަށް ލަފާއެރުވުމުގެ މައްސަލަ ރައްޔިތުންގެ މަޖިލީހުގެ މާދަމާގެ ޖަލްސާއަށް އެޖެންޑާކޮށްފި އެވެ.
ގަވަރުނަރު މަގާމުން ވަކިކުރުމަށް ރައީސަށް ލަފާއެރުވުމުގެ މައްސަލަ މަޖިލީހަށް ހުށަހެޅުއްވީ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަހުމަދު ނާޒިމެވެ.
ނާޒިމް އެ މައްސަލަ ހުށަހަޅުއްވައި ވިދާޅުވީ ގައުމުގެ އިގްތިސާދު ހީނަރުވެގެން ދިޔައިރު އެމްއެމްއޭގެ ގާނޫނުގައި ބަޔާންކުރާ މަގުސަދުތައް ހާސިލުވެފައި ނެތް ކަމަށާއި މަނިޓަރީ ޕޮލިސީ އޭގެ އެންމއެ އެކަށޭނެ ގޮތުގައި ހިނގަމުންދަތަން ނުފެންނަ ކަމަށެވެ.
އެ މައްސަލަ ބަލއި މާލިއްޔަތު ކޮމިޓީން ވަނީ ޖަވާބުދާރީވުމުގެ ފުރުސަތު އަލީ ހާޝިމަށް ދެ ފަހަރެއްގެ މަތިން ދީފަ އެވެ. އެކަމަކު އާލާސްކަންފުޅާ އުޅުއްވާތީ ކޮމިޓީން ތާވާލުކުރި ބައްދަލުވުންތަކަށް އޭނާ ވަޑައިނުގަންނަވަ އެވެ.
މަޖިލީހުގެ އާންމު ކޮމިޓީން މިރޭ 8:30 ގައި ބޭއްވި ބައްދަލުވުމުގައި ބައްދަލުވުމުގައި ބައިވެރިވެވަޑައިގަތް 8 މެމްބަރުންގެ އިއްތިފާގުން ނިންމީ މާދަމާގެ ބަހުސް އެއް ގަޑިއިރަށް ކުރިއަށް ގެންދާށެވެ.
އެ މައްސަލާގައި އަލީ ހާޝިމް މަޖިލީހަށް ފޮނުއްވި ރިޕޯޓުގައި ވަނީ ރާއްޖޭގައި އިގުތިސާދީ ކާރިސާއެއްގެ ބިރު މިހާރު ބޮޑުވެފައިވަނީ އެމްއެމްއޭ އާއި ބައިނަލްއަގްވާމީ މާލީ އިދާރާތަކުން ދެމުންދިޔަ އިރުޝާދުތަކާއި ލަފާތަކަށް ވޭތުވެދިޔަ އަހަރުތަކުގައި ސަރުކާރުން އަހަމިއްޔަތު ކަން ނުދިނުމުގެ ސަބަބުން ކަމަށެވެ.
އިގުތިސާދީ ކާރިސާއެއް ދިމާވެއްޖެ ހާލަތެއްގައި، ގައުމު އިގުތިސާދީ ފުން އަނދަވަޅަކަށް ވެއްޓުނަ ނުދީ ރައްކާތެރި ދިމާލަކަށް ވާސިލުވާނެ ގޮތްތައް ޔަގީންކުރަން ވެސް މަސައްކަތް ކުރަމުން އަންނަ ކަމަށް ގަވަރުނަރު ވިދާޅުވި އެވެ.
މެޑްރިޑް (ޖުލައި 20) - ޔޫރޯ މުބާރާތުގެ ތަށި މިދިޔަ އާދިއްތަ ދުވަހު އުފުލައިލި ސްޕެއިން ޓީމުގެ އެންމެ މުހިއްމު…
މިފްކޯ އޮފީހާ ދިމާލުން މާފަންނު ސްޓޭޑިއަމްގައި ހަދާފައިވާ ތިން ބުރީގެ އިމާރާތާ ކައިރިވިއިރު، އެ ތަނުގައި މީހުން ހަރަކާތްތެރިވަމުން ދިޔަ…